Sëmundja e Alzheimerit është forma më e zakonshme e demencës tek njerëzit e moshuar. Demenca është një çrregullim i trurit që ndikon seriozisht aftësinë e një personi për të kryer aktivitete të përditshme.
Kjo sëmundje fillon ngadalë dhe së pari përfshin pjesët e trurit që kontrollojnë mendimin, kujtesën dhe gjuhën. Njerëzit me Alzheimer mund të kenë probleme të kujtojnë gjërat që kanë ndodhur kohëve të fundit ose emrat e njerëzve që i njohin.
Te sëmundja e Alzheimerit, me kalimin e kohës, simptomat bëhen më keq. Njerëzit mund të mos njohin anëtarët e familjes. Ata mund të kenë vështirësi të flasin, të lexojnë ose të shkruajnë. Ata mund të harrojnë se si t’i pastrojnë dhëmbët ose të krehin flokët e tyre. Më vonë, ata mund të bëhen më të shqetësuar ose agresivë, ose të humbin rrugën për në shtëpi. Përfundimisht, ata kanë nevojë për kujdes të plotë. Kjo mund të shkaktojë stres të madh për anëtarët e familjes që duhet të kujdesen për ta.
Sëmundja Alzheimer zakonisht fillon pas moshës 60 vjeç. Rreziku rritet me moshë. Rreziku juaj për këtë sëmundje është më i lartë nëse një anëtar i familjes ka pasur sëmundjen.
Asnjë trajtim nuk mund ta ndalë sëmundjen. Megjithatë, disa ilaçe mund të ndihmojnë që simptomat të mos keqësohen për një kohë të kufizuar.
