Infarkti i trurit është një emergjencë mjekësore. Ka dy lloje infarktesh – ishemike dhe hemorragjike. Infarkti ishemik është lloji më i zakonshëm. Zakonisht shkaktohet nga një mpiksje gjaku që bllokon ose mbyll një enë gjaku në tru. Kjo pengon rrjedhjen e gjakut në tru. Brenda pak minutash, qelizat e trurit fillojnë të vdesin. Një shkak tjetër është stenoza, ose ngushtimi i arteries. Kjo mund të ndodhë për shkak të aterosklerosis, një sëmundje në të cilën pllakat aterosklerotike ndërtohen brenda arterieve. Sulmet ishemike të përkohshme (TIA) ndodhin kur furnizimi me gjak në tru është ndërprerë shkurtimisht. Duke pasur një TIA do të thotë se jeni në rrezik për të pasur një goditje më serioze.
Simptomat e infarktit (pikës) në tru janë:
– Mpirje ose dobësi e papritur e fytyrës, krahut ose këmbës (sidomos në njërën anë të trupit)
– Konfuzion i papritur, vështirësi për të folur ose për të kuptuar fjalimin
– Probleme të papritura në shikim me një ose të dy sytë
– Probleme të papritura në ecje, marramendje, humbje të ekuilibrit ose koordinimit
– Dhimbje koke e rëndë e papritur, pa ndonjë shkak të njohur
Është e rëndësishme për të trajtuar infarktin (pikën) sa më shpejt të jetë e mundur. Hollluesit e gjakut mund të përdoren për të ndaluar një infarkt, derisa ai është duke ndodhur, duke shkrirë trombin apo duke penguar mpiksjen e gjakut. Rehabilitimi pas goditjes mund të ndihmojë njerëzit të kapërcejnë aftësitë e kufizuara të shkaktuara nga infarkti (pika) në tru.
NIH: Instituti Kombëtar i Çrregullimeve Neurologjike dhe Infarktit
