Infekcioni me HIV / AIDS dobëson sistemin imunitar të trupit tuaj. Ai shkatërron qelizat e bardha të gjakut që luftojnë infeksionin. Kjo ju vë në rrezik për infeksione të papritura. Infeksionet e papritura janë infeksione serioze që përfitojnë nga sistemi juaj i dobët imunitar. Këto infeksione janë më pak të zakonshme dhe më pak të rënda tek njerëzit e shëndetshëm.
Ekzistojnë shumë lloje të infeksioneve të papritura:
– Infeksione bakteriale, përfshirë tuberkulozin dhe sëmundje serioze të ndërlidhura me te, kompleksi Mycobacterium avium (MAC)
– Infeksione virale, të tilla si citomegalovirus (CMV) dhe hepatiti C
– Infeksione fungale/kërpudhore, si infeksionet e tharmit/majit, meningjitet kriptokokale, pneumonia e pneumocistis carinii (PCP) dhe histoplazmoza
– Infeksione parazitare, të tilla si kriptoja (cryptosporidiosis) dhe tokso (toksoplazmoza)
Infeksioni me HIV / AIDS mund ta bëjë sëmundjen më të vështirë për tu trajtuar. Njerëzit me HIV / AIDS gjithashtu kanë më shumë të ngjarë të kenë komplikime nga sëmundje të zakonshme siç është gripi.
Ju mund të ndihmoni në parandalimin e infeksioneve duke marrë ilaçet tuaja për HIV / AIDS. Gjëra të tjera që mund të parandalojnë HIV / AIDS përfshijnë praktikimin e seksit të sigurt, larjen e duarve tuaja mirë dhe shpesh, dhe gatimin e ushqimit tuaj tërësisht.
